As principais ligas europeas do fútbol feminino descansarán dúas xornadas con motivo do parón internacional. O Dépor ABANCA non volverá a xogar ata o último fin de semana de abril, pero o fútbol non se detén para o filial, que se xoga a permanencia na Segunda Federación nestas últimas xornadas. Este sábado (19:00 horas) as branquiazuis recibirán no Campo Arsenio Iglesias a un Atlético Villalonga xa descendido de xeito matemático.
O cadro pontevedrés é colista con oito puntos e o seu descenso de categoría xa é inevitable a falta de tres xornadas. Esta mesma situación quérea evitar un Dépor ABANCA B que, a falta de disputarse nove puntos, está catro por riba dos postos vermellos. Unha victoria nesta fin de semana suporía un golpe encima da mesa e Paula Novo, en rolda de prensa, animou á xente a ir ata Abegondo para alentar ao filial no «partido máis importante» para elas.
O seu chamamento á afección para «o partido máis importante» do Dépor ABANCA B
«A día de hoxe é o partido máis importante para nós, ogallá poidamos ver moita xente na grada do Campo Arsenio Iglesias. É un escenario moi bonito. Animo á xente a que veña para que nos axuden a conseguir os tres puntos«.
A permanencia do Dépor ABANCA na Liga F
«Ese é o primeiro obxectivo, manter a categoría do primeiro equipo na máxima categoría española. Moi contentas, é algo que queríamos e sabíamos que íamos conseguir. Agora, afrontar este último tramo de Liga para intentar quedar o máis arriba posible».
A súa consolidación co primeiro equipo
«Estar aquí no día a día con elas e poder axudalas con minutos nalgúns partidos do fin de semana… moi contenta. É un orgullo para min poder formar parte delo«.
O Dépor ABANCA B xogándose a permanencia
«Para o Dépor ABANCA B estas dúas semanas hai Liga. O último tramo é moi importante polo que nos xogamos, manter a categoría na Segunda Federación. Vimos dunha semana de parón no filial, pero con moitas ganas sabendo que xogamos na casa. Sabemos que o vamos sacar adiante e conseguir os tres puntos este sábado».
Bo xogo, pero resultados insatisfactorios
«A pesar de non puntuar como queríamos nos últimos partidos, estamos competindo moi ben na maioría de partidos e dando moi boa imaxe. Estamos intentando traballar para este sábado, co traballo de todas, poder sacar o partido xogando ao nivel ao que sabemos, competindo e dando todo coma sempre».
Felicitacións ás internacionais
«Primeiro, parabéns a Redru e Lucía -xa llo dixen a elas- que están nesa fase do Europeo. É unha alegría para nós que elas poidan ir a esa fase coa sub-19. Moi tranquilas. Sabemos que temos plantilla de sobra e xogadoras para poder suplir as súas faltas. As que estamos para o sábado estamos ao 100% para competir e dar o noso máximo nivel».
