O Deportivo atópase no mellor momento da tempada logo de gañar por quinta xornada consecutiva este domingo contra o Tarazona. Unha fantástica dinámica na que o aspecto psicolóxico está presente como en calquera deporte. Gabi Pita, psicólogo deportivo que traballou no club coruñés, analizou no último programa de A Balón Parado como deben xestionar plantel e corpo técnico a boa xeira de resultados.
Por que se gaña o partido contra o Tarazona
«O fútbol, como calquera outra actividade, cando ves dunha dinámica na que está funcionando un plan, tes máis confianza nel. Despois do empate do Tarazona hai unha recuperación de balón do Dépor en defensa na que hai Ximo sae por banda, quere darlla a Mella e hai un desaxuste aí. Mirei e dixen ‘como entren as présas este partido non se levanta’. Nese momento Lucas fai un xesto de tranquilidade porque a maneira de gañar o partido por 3 ou 4 goles non é facendo a do minuto 85. Este partido gáñase porque non se vai o foco do partido a ‘outra vez estamos perdendo'».
Lucas Pérez
«Teño un pouco de dúbidas de se é o ovo ou a galiña. O contexto no que Lucas volveu ser o xogador que esperabamos beneficiou ao equipo, pero tamén creo que o cambio do equipo beneficiou un pouco a Lucas. Está claro que meter goles é liberador para un dianteiro. A sensación estaba antes, pero estase materializando en forma de goles e asistencias».
Futuro
«O máis importante é como se xestione o primeiro mal resultado que veña, que vai vir. Vanse perder partidos. Ó mellor non moitos. O Dépor leva catro derrotas no que vai de liga, entón estadísticamente non van ser moitas máis, pero algunha vai vir. Cando o Dépor gaña o partido despois de ir 1-1 tiña a sensación deses partidos do Real Madrid, que é capaz de en dous chispazos gañar. Eu vexo ao Dépor nesa dinámica. Cun partido non moi brillante gañas 4-1. Eu creo moitos nos temas das dinámicas. Hai que aproveitar este momento para sumar de tres sendo conscientes de que vai chegar unha derrota».
