Rubén Martínez: “A miña primeira idea é xogar”

49

Rubén Martínez, gardamallas do Deportivo, valorou a súa situación no clube, ademáis de analizar o amistoso de hoxe fronte o Racing de Ferrol e as novas incorporacións do equipo branquiazul.

O ex de Levante, Almería e Málaga entre outros mostroúse moi ilusionado por volver á súa terra. “Despois de 19 anos fóra, foi unha alegría cando soupen que podía volver a casa”, sinalou. Para Rubén, un importante punto positivo é que o xogar en Galiza non vai precisar de ataptación. Ademáis, o recibimento do plantel tamén facilitou a súa integración no grupo. “Os compañeiros, fenomenal; hai moi bo ambiente” repetiu en múltiples ocasións.

Según entende o gardarredes, esa boa sintonía que existe no vestiario vai axudar no aspecto deportivo. “Podemos facer piña, é importante para acadar os obxectivos”, comentou o de Coristanco, que aplica a mesma filosofía para a competencia no seu posto. “A situación é a que hai. Somos tres porteiros, hasta cando hai dous é complicado. O que xogue estará máis contento, pero mentres haxa bo ambiente o día a día pode ser bo”.

Aínda que sabe que será difícil, Rubén Martínez mostrouse disposto a loitar pola titularidade na meta deportivista. “Lux leva moito tempo no clube, pero tamén existe a posibilidad de que xogue eu. Traballo para que sexa así. A miña primeira idea é xogar“, afirmou.

Tras un ano moi convulso no posto de gardamallas, o Deportivo optou por reforzos de garantías, sendo Rubén un dos elixidos. Neste sentido, o recén chegado sinalou que o clube “fichou dous porteiros con experiencia en Primeira División, así que poden estar tranquilos”

Foto: Fernando Fernández

Foto: Fernando Fernández

Un rival coñecido

O próximo amistoso do cadro herculino será frente o Racing de Ferrol, equipo no que Rubén pasou unha campaña “complicada”, xa que tivo escaso protagonismo, pero do que garda “un moi bo recordo”.

O meta deportivista analizou o de hoxe como un encontro “especial”, que o equipo deberá “aproveitar o máximo posible para poñer en práctica as ideas do entrenador, a filosofía do que quere facer”.

Un plantel ilusionante

“O clube reforzouse moi ben, ten unha base espectacular do ano pasado e cos esforzos que está a facer hai moi bo equipo”. Así de contundente mostrouse o branquiazul cando foi preguntado polo nivel das fichaxes, entre as que destacou especialmente a do último en incorporarse, Florín Andone, do que comentou que “é un desembolso, pero igual no futuro pódese vender por máis”. O de Coristanco agarda que Andone “se adapte ben e siga coa racha goleadora”.

Por último, o galego mostrouse ilusionado pero precavido sobre os obxectivos para a tempada que está a piques de arrancar. “Hai que empezar pouco a pouco e ir partido a partido. Non podemos poñernos metas coma entrar en Europa, hai que conseguir a salvación e buscar máis dende aí”, finalizou.

Sobre el Autor