Diego Villares foi o protagonista da semana nas entrevistas en RiazorTV. Entre outros temas, falamos con el da súa polivalencia e de como, tras arrancar a súa carreira de atacante, cada tempada xoga mais atrasado. «Velo distinto. A medida que vas indo cara atrás, ves distinto o fútbol. É reconfortante», sinala.
Consecuencia diso, o galego está gañando novas habilidades sobre o céspede. «Creo que estou mellorando na faceta defensiva, antes era un xogador distinto. Agora estou collendo iso a nivel defensivo, que me facía falta e axuda». Neste sentido, as indicacións de Borja e a compañía de Bergantiños son primordiais. «Fixarte en Álex, ou que che dea un consello, é unha marabilla. Sempre está ben colocado e sabe o que hai que facer. E a min, que veño de abaixo, sempre me axuda». Ademais de para o capitán, Villares tamén tivo boas palabras para Quiles, unha das novas fichaxes. «Ti o ves, fisicamente parecido a min, delgadiño… E o último que pensas e que teña esa calidade. Os primeiros días con el estaba flipando«. Pese o mal momento do ariete, Villares di que está «entrenando ben e en breves veremos ao Quiles das primeiras xornadas»
🔮 La semana pasada bendecimos a William, ¿adivinas quién marcará el gol de la victoria en Las Gaunas?
La charla completa con @diegovillares8 ya disponible en nuestro Patreon
👉🏽 https://t.co/OKPIQzoZJ0 👈🏽 pic.twitter.com/mhiTO11MsS
— Riazor.org (@riazororg) November 5, 2021
O rol de Villares con Borja Jiménez
Diego Villares di atoparse «cómodo» co novo míster. «Con Borja moi ben, hai moi boa relación. Sempre é claro no que me pide dentro do campo. Como entrenador é cercano», asegura o de Vilalba. Para el, este é o segundo curso co primeiro equipo. «O principio custoume mais, pero todos os compañeiros estiveron de dez. E este ano contento, xogando… e a seguir».
Villares leva xogados o 88% dos minutos, un dato que sorprende ao propio xogador. «Non sabía que era tanto», recoñece. Durante eses minutos, o canteirán ocupou moitas posicións, entre elas o lateral dereito. «Quedeime sorprendido», comenta ao lembrar o momento en que Borja díxolle que ocuparía o carril. Chegado o momento, o branquiazul falou cos compañeiros que habitualmente xogan nesa posición para pedirlles consello. «Sempre te gusta saber cómo facer isto ou aquilo para adaptarte mellor».
Podéis respirar tranquilos, @CuantoSufrimos , no fuisteis los únicos preocupados en verano por el rol de Villares con el cambio en el banquillo y los fichajes.
Hablamos de todo con el de Vilalba y aquí puedes ver la entrevista completa
👉🏽 https://t.co/OKPIQzoZJ0 👈🏽 pic.twitter.com/2y2qvtQhwY
— Riazor.org (@riazororg) November 5, 2021
Diego Villares confesa a súa «incertidumbre» polo cambio de adestrador
No momento no que deu o salto do Fabril ao primeiro equipo, Diego Villares converteuse nun xogador imprescindible para Rubén De la Barrera. Pero co cambio de míster non estaba claro que o canteirán fose manter ese estatus. El mesmo recoñece a «incertidumbre» pola chegada de Borja. O primeiro que pensou foi que tocaba «loitar outra vez dende o principio. Empezas en igualdade de condicións, sen problema ningún».
Durante o verán, o centro de campo foi unha das zonas mais reforzadas. Cómo o viviu Villares? «Os meus amigos dicíanme ‘ficharon a este, ficharon a aquel… Ten coidado’. Eu ríome. Non coñecía a Rafa ou Calavera, que son dous chavales incribles. A partir de aí, dende a pretempada a loitar o posto dende o minuto un. Por sorte o estou conseguindo e encantado»
Ademais, o galego falou sobre posible renovación, pois finaliza contrato o vindeiro ano. «Eu estou cómodo. Quero seguir aquí porque estou cerca da casa. Pero temos que chegar a ese acordo club-Villares para ampliar algún aniño máis ese contrato».
A entrevista completa a Diego Villares, en Patreon
