Fernando Vázquez resignouse co punto sumado polo Deportivo vs Guijuelo, recoñecendo que as cousas non foron como tiña planeado: «Non podo estar contento co resultado. Gustaríame que fose outro. Queríamos os tres, pero seguimos sumando. O equipo rival púxonolo moi difícil, metéronnos en apuros en moitos momentos. É o que hai«.
O adestrador galego explicou o motivo do cambio de sistema preto do descanso: «Creo que saímos coa idea de presión ata e intentar xogar en campo rival con dous puntas. Os primeiros 10 minutos estivemos ben, pero pasaba o tempo e sentía que perderamos a compostura. Perdemos a posición e tomei decisión de cambiar a estrutura. Para parar un pouco as posibilidades de que puideramos encaixar antes do descanso. Conseguimos aplanar ao rival, pero non foi suficiente porque no aspecto ofensivo non fixemos dano. O equipo non tivo demasiadas ocasións. Pero pensei que se ao final do partido ves que o partido non ofrece posibilidades, pensei en polo menos non perder»
Recoñeceu Fernando Vázquez que a idea era facer un fútbol máis directo: «Era o que pensábamos facer. Xogar largo. Viuse perfectamente. Non queríamos combinar centrais e mediocentros, se non que o balón fora rápido a posicións de puntas e extremos. E a partir de aí, combinar. Pero pouco a pouco vimos que o rival nos foi levando cara atrás e tivemos problemas».
Fernando Vázquez e o enfado da afección
O que si ten claro Vázquez é que os afeccionados teñen dereito a estar enfadados co equipo: «Compréndoo, porque eu tamén pensaba que o equipo ía xogar mellor. Non pensaba que ía ocorrer o do primeiro tempo. Pero pasou. Teño que poñer cura a unha situación que non está indo ben. E tamén ver a situación tal e como é. Non o poño como escusa, pero non é fácil xogar neste campo. Non é igual. E se non preguntádelle aos xogadores».
