O Deportivo sumou a súa sexta vitoria consecutiva ante a UD Las Palmas (2-1). O equipo coruñés continúa, deste modo, coa súa racha imparable. Á conclusión do partido, Fernando Vázquez, un dos principais artífices da reacción, atendeu aos medios de comunicación en sala de prensa. O técnico de Castrofeito foi franco: “Claro que estamos contentos”.
Sobre o partido
Fernando Vázquez sinalou o evidente: “Buscamos vitorias e estámolas tendo. Hoxe non foi fácil, pero eu creo que o equipo tivo paciencia, a afección tivo paciencia, entende perfectamente o que quere dela o equipo. Para min foi un espectáculo xogar ante esta marabillla de estadio cheo de xente. Que ao final do partido a xente siga aí esperando a que o equipo saúde, foi unha sensación incrible“.
O técnico galego incidiu en que quería “agradecer a compresión do público. Estamos nun momento… Un pouco complicado para un adestrador, para tomar descisións, o equipo mellorou, seguimos xogando coa gran maioría que estaban aquí. Decidimos facer repliegue en mediocampo, 8 metros por detrás do mediocampo, como nos pasou en Albacete. O equipo retrocede en exceso nalgúns momentos. Temos que corrixir, pero, a pesar dos pesares, por outro lado estanos dando resultado, que é o que buscamos. Estamos replegados? Si, como moitos equipos que estan aí atrás e non pasa nada. Optamos por ese tipo de defensa, quizais non estivemos brillantes sen pelota, atacábannos ben por dentro, filtraban balóns… É a UD Las Palmas, un equipo con moita calidade técnica”, recoñeceu.
Çolak, fóra de posición adrede
Así mesmo, Fernando resaltou o papel de Çolak: “Está facendo un esforzo tremendo, está padecendo que xogamos dunha maneira determinada. Eu sei que non é a posicion na que el disfrutaría máis, temos que agradecer o seu esforzo enorme. Podería opinar que Çolak podería xogar noutra posicion pero póñoo noutro sitio adrede”, incidiu.
Sabin, Montero e Dani Giménez, tocados
Unha das notas negativas do partido foi a lesión de Sabin Merino, Fernando referiuse a el: “Pensabamos que no descanso tiña unhas molestias nun brazo e no pescozo. Pensabamos que podía pedir o cambio aos 5 minutos do segundo tempo, aguantou e despois tivo un problema no isquio. Imos ver. O de Montero é menos importante. Un xemelgo que se lle subiu”, apuntou. Do mesmo xeito, sinalou que Dani Giménez “sufriu un pouco porque ten pequenos problemas, pero ben. Agardamos que con tratamento conservador poida seguir xogando”.
Fernando, prudente
Malia á situación na táboa, Fernando resaltou o obxectivo real do vestiario: “Gañar 7 partidos máis. Os números son gañar 7 e perder 12, fallar 12. As cousas cambiaron bastante, o único noso obxectivo é ir gañar a Alcorcón, outra final, chamádelle como queiras. Non temos máis pretensións que esa, gañar os partidos suficientes para estar fóra do descenso”, dixo.
Encantado con Mollejo
Sobre o partido de Mollejo, Fernando amosouse “súper contento. Xa o dixen en Albacete e hoxe estivo mellor. É un chaval cun despliegue físico impresionante, non se lle pode pedir máis, sinceramente. Tiñamos a Luis (Ruiz) no banco, pero optei por Mollejo porque che dá moitísimas cousas, ten a capacidade de estar aí e romper coma un dianteiro. Non sei cal será o seu futuro, non sabía que ía facer esa función coa solvencia coa que esta facendo”, manifestou.
Acerca do seu futuro nesa posición, Fernando dixo: “É algo que eu lle vendo se o quere comprar el, para motivalo. El quere ser punta, se el ten esa capacidade, secadra as túas cualidades non dan para outra posición. É un doble camiño que ten que plantearse el. Faino perfectamente. Ten moitas cousas que mellorar, pero si que o vexo capacitado, é un camiño que pode seguir“.
Peru, de central
Sobre o retraso de posición de Peru, coa lesión de Montero, Fernando lembro que xa “xogaba no Athletic de central. O máis importante é o equipo e nesa situación pode ser un xogador extraordinario. O equipo está un pouoco máis equilibrado. Temos bandas máis puros, 4 dianteiros, de centrais estou ben, deixamos marchar a Lampro… Estame faltando un pouco quizais coas lesión de Salva e Simón. Equipo mellor construido e máis equilibrado en todas as posicións. Podemos xogar por dentro, por fóra… Teño recambios en todas as posicións”.
Correción defensiva
Fernando Vázquez sinalou que o feito de cortar a sangría defensiva, é “unha situación que eu pensaba que para un adestrador é o máis fácil de resolver. E un equipo que tiña un número de goles en contra importante. Propúxenmo resolver. Por iso xogamos como estamos a xogar, xogamos para que o contrario non nos tire a porteria, recuperar e contraataque, aproveitar ás veces erros e espazos do rival. Tamén recoñezo que, coa chegada de novos xogadores, ás veces os xogadores moitos deles veñen sen partidos. Teño que ter a tranquilidade de que ás veces non teñen ritmo de xogo. Secadra equivoqueime con Uche Agbo o outro día, decidin que non xogara hoxe. O mesmo pode ser con Keko. Non é chegar e encher, hai que estar ben”, apuntou.
Beauveu e o VAR
No treito final da súa comparecencia, Fernando Vázquez falou de Beauveu: “Demostrou as cualidades que ten, súper rápido, súper traballador, un fútbol aéreo incrible… Tiña a posibilidade de marcar 2 goles, se houbese acompasado a súa carreira co pase de Çolak, non teño ningunha queixa”, puntualizou.
Por último falou da falta de VAR. “Descoñezo por que razón non funcionaba, entereime ao final. Son pro VAR ao 100%, e polo tanto que nunha liga profesional un elemento tan importante non funcione, non me parece unha boa noticia. Parece que funcionaba dende Madrid. Non é para aplaudir, pero que eu saiba tampouco houbo xogadas polémicas“, concluíu.
