Óscar Gilsanz analizou en rolda de prensa a vitoria do Deportivo por tres goles a un fronte ao Almería. O adestrador de Betanzos destacou a importancia de pensar no día a día. Tamén o valor de Riazor como escenario dos partidos do Dépor, onde ata agora se lle estaban escapando os triunfos.
Sensacións tras a vitoria
«As sensacións son doces. Cando se gaña na casa coa primeira parte que fixemos é para estar contentos. Fixemos un traballo colectivo bo con ritmo alto tomando boas decisións no último terzo. Cando o Almería máis apertou tivemos que defender preto da portería. Non olvidemos que son un dos favoritos ao ascenso».
Mellor momento
«Levamos 3 partidos sen perder. Hai que ir paso a paso, pouco a pouco. Hai quince días dixen que temos que pensar no día a día e eu non penso noutra cousa. É a mellor maneira de preparar o partido e que o grupo traballe para ser mellores. Pensar en algo máis podería confundirnos. Desde que cheguei o equipo mantivo unha liña boa competindo sempre. O próximo partido vai ser moi complicado e temos que ir nesa dirección».
El partido de Eddachouri
«Zaka ten bo pe e gol. Vainos axudar nas transicións e baixando entre liñas. Son características diferentes e vainos axudar».
Ganar en Riazor
«O vestiario está atopando un bo rendemento xeral. Gañar sempre axuda, pero só saír e ver o ambiente… todos os xogadores están desexando xogar en Riazor. O ambiente e a afección fannos desfrutar de cada día. Despois hai partidos mellores e peores. Pero o xogador está desezandoo xogar aquí».
¿Soñar con algo máis?
«O que se pode soñar é con facer unha boa semana para ir a Elda e competir para gañar tres puntos. Con 35 puntos non chega para nada, hai que pensar no día a día. É a única maneira».
El gol del Almería
«Amoloume o último gol no desconto, porque a sensación foi de defender ben, pero podiamos evitar ese gol. Creo que temos que busca o equilibrio capacidade ofensiva e defensiva. É importante no fútbol en xeral e nesta categoría en particular».
Subir postos na clasificación
«Xogamos un bo partido a nivel colectivo. Quédome con iso máis que subir o nivel ou non. Estamos nunha categoría na que temos que pensar día a día. Se analizamos os resultados mirando a clasificación non entenderemos nada».
Barcia
«Os comportamentos dos futbolistas son os que nos fan elixir e estamos satisfeitos co que fixeron os futbolistas. É bo ter alternativas e sumar xogadores á causa. Necesitamos de todo o mundo».
