“Para que o Dépor voe, primeiro terán que facelo as nosas bufandas”

0

Chamamento dos Riazor Blues para que ninguén deixe a sua bufanda esquecida na casa. Como eles din: “Para que o Dépor voe, primeiro terán que facelo as nosas bufandas”.

A Coruña, una cidade con motivos elementos e patrimonios, que nos caracterizan e representan; sobre todos elévase un escudo que marca a nosa vida, un equipo que fai vibrar a cidade. Un equipo que nos deu tantas alegrías, festas, tristezas e todo tipo de vivencias ao longo da nosa vida.

Chega unha nova fin de semana. Para moita xente serán dous días máis de calquera semana; non é o noso caso, para nós é a oportunidade de apoiar o escudo que fai grande esta cidade, cando máis o precisa. Achégase o final da temporada, eses momentos decisivos en que equipo e afección temos que deixar no campo a alma e o corazón.

Hai que sentir de novo esa ilusión de ver o equipo saltar ao campo antes do inicio do partido. E iso tamen depende de nós. Para que o estadio vibre desde ese primeiro minuto, facemos un chamamento para encher Riazor con esas bufandas que moitas veces deixamos esquecidos na casa.

Para que o Dépor voe, primeiro terán que facelo as nosas bufandas. Cando o equipo salte ao campo, todo o estado coa bufanda na man para tinguir Riazor de azul e branco.

SEMPRE VOLTAMOS, NÓS NUNCA FALLAMOS.

POR TODO ISTO, ESTE DOMINGO NON PROLONGAMOS A SOBREMESA, VÉMONOS NAS BANDAS DE RIAZOR ÁS 15:45!

Sobre el Autor

Equipo de redacción de Riazor.org.