fbpx

Riazor Blues convoca unha concentración o venres como protesta pola “peor tempada da historia”

0

Unha protesta pola que xa é a peor tempada da historia do Deportivo. Esa é a convocatoria que fixeron os Riazor Blues a través da súa conta oficial en Twitter. A agrupación convocou á afección herculina na porta 0 do Estadio de Riazor este venres 6 de abril antes do Deportivo – Málaga (20:15 horas).

“Este venres ás 20:15 faremos unha concentración na porta 0 en protesta á que xa é a peor tempada da nosa historia, seguimos dando vergoña día tras día no deportivo e no institucional. O RCD merece un respecto, recuperémolo!”, reza o tuit que publicaron o martes. Unha crítica que vai dende o que está a acontecer no céspede ata os despachos, falando de “vergoña” polo rendemento no que vai de curso.

Málaga e Deportivo, con 17 e 20 puntos respectivamente, son os candidatos con máis opcións de baixar á Segunda División. Na loita tamén está a UD Las Palmas, con 21 puntos. O Levante, con 28 e fora dos postos de descenso, conseguiu un bo colchón cando restan poucas xornadas. Unha vitoria do Málaga en Riazor colocaría aos herculinos na última posición.

O equipo de Seedorf leva sen gañar dende principios do pasado mes de decembro, cando lograra derrotar por 1-0 ó Leganés en Riazor. Coa última derrota, o holandés igualou o peor debut dun técnico co conxunto galego en Primeira División. O Deportivo sumou 3 dos 24 puntos en xogo dende que se fixo cargo do equipo en substitución de Cristóbal Parralo, agravando unha profunda crise que provocou que a afección convoque esta concentración.

Sobre el Autor

Equipo de redacción de Riazor.org.

Ads Blocker Image Powered by Code Help Pro
Bloqueador de publicidad detectado

Hemos detectado que estás usando extensiones para bloquear los anuncios. Esta página web se financia gracias a los anuncios de publicidad, con lo que te rogamos que los desactives para que podamos seguir trabajando de forma diaria.

Recargar