fbpx

Fernando Vázquez: “É posible que opte por deixar a Rolan na casa”

0

Fernando Vázquez, adestrador do Deportivo, pasou pola sala de prensa na previa do encontro dos branquiazuis ante o Guijuelo. O míster valorou o parón, compartiu as súas expectativas de cara ao domingo e, coma era ineludible, sinalou as opcións do retorno de Diego Rolan.

Precisamente, a posible participación do uruguaio foi unha das primeiras preguntas que recibiu Vázquez, aínda que foi prudente neste sentido. “É precipitado, si. Un terreo de xogo que evidentemente é máis propenso a lesións e nestes momentos… é posible que opte por deixalo na casa e que adestre. Veremos que pasa mañá. Vamos darlle unha semana máis”.

O partido ante o Guijuelo chega despois dunha fin de semana sen competición, unha circunstancia habitual no fútbol pero que a Vázquez non lle gusta. “Non entendo por que temos que parar… Preferiría xogar agora todo seguido e descansar ao mellor antes da última fase. Pero as cousas están así e así as aceptamos”. Iso si, recoñeceu que, co número de xogadores que tiña mancados, neste caso foi unha situación beneficiosa para o seu equipo. “Creo que a nós nos puido vir ben porque tiñamos algunha xente lesionada. Vamos a chegar ao partido de Guijuelo unicamente con Derik e Valín de baixa. Recuperamos a Granero, a Eneko, Salva, entón foi positivo“, admitiu.

Recuperar efectivas ten tamén un lado complicado, pois o adestrador terá que deixar fora a homes que viñan xogando sempre que estaban dispoñibles. É un problema contar á vez con Granero, Borges, Álex e Uche? “Todo iso inflúe, todo me fai pensar. Pero tampouco sería incompatible que xoguen os tres. Ou os catro. Borja, Álex, Uche e Borges. Non me parece que sexa incompatible. Pero si, o tema de Celso faime pensar, incluso o tema de Granero, porque o xeonllo a ver como reacciona a un campo máis duro. Pero problema non é. Pode complicarme a elección, pero é unha complicación positiva. Téñoos a todos e polo tanto é cuestión de facer de adestrador”.

Precisamente este aumento de homes a disposición do míster, sumado ao número de partidos disputados, fai que Fernando considere que xa ten motivos para valorar cambios significativos no once. “Agora podería tomar decisións xa. Catro partidos é un volume de partidos suficientes para que todos os xogadores demostraran o que poden dar nestes momentos. Estou mirando, estou vendo e agora si teño a liberdade, sempre a teño pero póñome eu esa coartada, pero agora si podería facer algún movemento nese sentido”, asegurou.

Fernando Vázquez

O céspede artificial, de novo protagonista

Como o propio Fernando sinalou á hora de querer atrasar a participación de Rolan, o céspede será un dos puntos destacados na visita ao Municipal Luis Ramos. Así, hai posibilidades de que o equipo teña que trocar algúns dos seus automatismos. “Iso tamén é unha decisión que terei que tomar. Estábamos xogando dunha forma determinada, levar o balón a través da combinación de atrás cara arriba e algún aspecto pode modificarse. Podemos comezar intentando xogar e se vexo que non saen as cousas, poder cambiar. Todo iso está na miña cabeza, procuro adestrar ao equipo en diferentes variantes tácticas e estratéxicas e despois tomar a decisión”, comentou.

Ante Unionistas, o Dépor xa tivo que xogar nun campo de herba artificial, polo que Fernando agarda que o encontro contra o Guijuelo teña certas similitudes co visto en Salamanca. “Digamos que o campo non debe ser tan importante, pero temos que ser conscientes da realidade. O factor campo sempre hai que telo en conta. O equipo está acostumado a xogar dunha maneira e imos a un campo onde cambia bastante. Considero que un equipo que non está adaptado sufre, aspectos tácticos desaparecen, aspectos técnicos se igualan e é un partido máis no que o factor casual pode predominar”.

Aínda así, esta semana o técnico decidiu rexeitar unha das bases dos adestramentos previos á visita a Unionistas: adestrar en céspede artificial nos días anteriores ao encontro. “Xa o pensei a primeira vez se verdadeiramente vale a pena. Se hai adaptación indo un mércores… Porque ao final non podemos ir cerca do partido. Estamos adaptados á herba e o campo de superficie produce un impacto diferente. Sei que imos sufrir se imos, considerei que non hai nada escrito que se adestras en herba artificial a adaptación é positivo… Como non hai nada estudado, pensei que para que iamos sufrir dúas veces. Suframos no momento de xogar o partido. Agora, se perdemos en Guijuelo, sería unha crítica fácil”.

O análise do inicio de tempada do Deportivo

“O equipo está en evolución, estamos intentando mellorar. Pois claro que non estou contento“, asegurou Fernando Vázquez cando se lle pediu valorar o arranque ligueiro do Dépor. “Gústame gañar, convencer e que a xente estea contenta. Persigo a vitoria pero tamén me importa a forma de gañar. Se a forma non me importara, sería abandonado pola maioría dos nosos afeccionados. Xogamos para a xente e á xente hai que producirlle certa satisfacción. Iso dentro dos obxectivos planificados non é o primeiro, pero a meta é gañar e que o afeccionado se sinta orgulloso. non solo por gañar, se non por como gañes”.

Por último, o adestrador galego valorou as palabras de Angeliño, que asegurou que dentro duns anos gustaríalle xogar no Dépor. “É un orgullo para o deportivismo que un futbolista que estivo aquí poida falar así despois de triunfar. É a forma máis bonita de expresar amor a un club nestes momentos“, reflexionou o míster.

Sobre el Autor

Equipo de redacción de Riazor.org.

Ads Blocker Image Powered by Code Help Pro
Bloqueador de publicidad detectado

Hemos detectado que estás usando extensiones para bloquear los anuncios. Esta página web se financia gracias a los anuncios de publicidad, con lo que te rogamos que los desactives para que podamos seguir trabajando de forma diaria.

Recargar