fbpx

Fernando Vázquez: “Xogar 4 partidos en 10 días nesta situación vulnera a competición”

0

Fernando Vázquez mantivo un perfil baixo durante o confinamento, con escasas aparicións públicas. Este venres volveu falar tras semanas sen facelo e unha das cousas que quixo deixar claras é que non está de acordo coa acumulación de partidos coa que o Deportivo empezará a competición: “Xogando o que nos xogamos, catro partidos en 10 días… a veces cústame entender. Non o digo polo sorteo, que non sei se se pode facer mellor, pero nesta situación si que se vulnera a competición. Se algún se queixa de que os cinco cambios poden vulnerar a competición… aquí si que se vulnera. Teño os mesmos intereses que pode ter o Oviedo e non hai cor no descanso entre uns e outros. Nos primeiros partidos é fundamental. Así de repente, a veces sin cumprir as 72 horas… somos o equipo de Segunda co menor promedio de descanso. Iso paréceme grave. Tocounos e acéptoo, pasoulle a outros equipos en Primeira, pero se hai algo que vulnere a competición é precisamente o descanso que terán os meus xogadores con respecto a outros”.

Para o técnico de Castrofeito nin sequera valería que llo compensasen con máis descanso nunha fase máis avanzada: “Que despois nos regalan o que agora teñen os outros? pero non será o mesmo. O importante é a primeira parte e aí estamos condenados. Que faremos? rotacións por suposto. Porque aínda que os xogadores non se lesionen, no seu estado de forma non os podo poñer mércores, domingo, sábado. En algún momento teño que cambiar. Isto debería ser progresivo. Se me dixeran 15 días xogando 4 partidos e a partir de aí xogar cada tres, pareceríame máis normal”.

A ausencia do factor campo, clave para Fernando Vázquez

Fernando Vázquez tamén reflexionou sobre como está sendo o fútbol no regreso e sinalou que, para el, un dos factores determinantes é a ausencia de público nas bancadas: “O factor campo é como se desaparecese. Paréceme fundamental eso. Eu sempre considerei a afección como parte do noso grupo. E non vai estar. Xa na entrada do estadio. Non tes quen che berre, non che van aplaudir, incluso que che digan burro… todos os equipos perden aí. A min gustaríame ter público porque me da a sensación de que enfoca aos xogadores. Faite inmune ao esgotamento, á frustración… paréceme un dos elementos máis importantes da nova competición”.

Sobre el Autor